Qarabağ Azərbaycandır ! | Karabakh is Azerbaijan ! | Карабах - это Азербайджан !

Azərbaycan dili
Çağrı Mərkəzi

“myGov”da istifadəçi sayı 700 000 keçib

alarm Created with Sketch. 06-10-2021

“myGov” şəxsi kabinet əsaslı elektron hökumət portalında istifadəçi sayı 700 000 keçib. Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Elektron Hökumətin İnkişafı Mərkəzi tərəfindən yaradılan və idarə edilən “myGov”da istifadəçi sayı 2021-ci ilin əvvəlinə nisbətən 1,6 dəfə, 2020-ci ilin əvvəlinə nisbətən isə 16 dəfə artıb.

Proaktiv elektron xidmət göstərən “myGov”da hesab açmaqla vətəndaşlar özləri haqqında dövlət qurumları tərəfindən təqdim olunan məlumatlarla tanış olmaq, məlumatlarda səhvlik və ya natamamlıqla bağlı müraciət etmək, məlumatlarının kim tərəfindən sorğulandığı haqqında məlumat əldə etmək imkanı qazanırlar. Hazırda inteqrasiya olunan sistemlərlə birlikdə “myGov”da 710 xidmətə giriş təmin edilir.

Bununla yanaşı, sənədlərin son etibarlılıq tarixi və digər mövzularda 18 növ bildiriş göndərilir ki, bu da vətəndaşları sənədlərin vaxtının bitməsi haqqında əvvəlcədən məlumatlandırır, vaxtı bitmiş sənədlərlə bağlı xoşagəlməz hadisələrin qarşısını alır.

Qeyd edək ki, 2021-ci ildə “myGov”a "COVID-19" vaksin və immunitet sertifikatları inteqrasiya olunub. Vətəndaşlar şəxsi kabinetlərində yerləşdirilmiş sənədlərinin QR kodunu oxutdurmaqla "COVID-19" pasportu tələb olunan qurum və müəssisələrə rahat daxil ola bilirlər.

Mobil texnologiyaların inkişafı tendensiyası nəzərə alınmaqla, həmçinin vətəndaşların elektron hökumət xidmətlərinə çıxış imkanlarını daha da genişləndirmək məqsədilə bu il “myGov”un mobil tətbiqi də istifadəyə verilib.

Mobil tətbiqi, həm “iOS”, həm də “Android” əməliyyat sistemi istifadəçiləri aşağıdaki linklər vasitəsilə keçid edərək, yükləyib, istifadə edə bilərlər:

• "Android": https://play.google.com/store/apps/details?id=az.gov.my 

• "iOS": https://apps.apple.com/az/app/mygov/id1533956540 

"myGov" mobil tətbiqinin yeni versiyasına təhlükəsizliyin daha da gücləndirilməsi məqsədilə biometrik identifikasiya funksiyası əlavə olunub. “Android” istifadəçiləri artıq tətbiqə barmaq izi, “iOS” istifadəçiləri isə həm barmaq izi, həm də üztanıma funksiyası ilə daxil ola bilirlər.